Bir manat pul qazanacaqdı, 140 manatlıq qayda pozdu - VİDEO

Xırdalan şəhərində yol hərəkəti qaydasını pozan sürücü kameraya düşüb. Avtosfer.az xəbər verir ki, hadisə Heydər Əliyev prospektində qeydə alınıb.

Belə ki, 02-BP-187 qeydiyyat nişanlı "Toyota Prius" markalı avtomobilin sürücüsü 1 manatdan sərnişin yığmaq üçün svetoforun sarı işığında hərəkət edib. O, daha sonra avtobus dayanacağına daxil olaraq dayanma-durma qaydasını da pozub.

Qeyd edək ki, sürücü 1 manat pul qazanacağı halda, qadağanedici işıqda hərəkət etdiyinə görə, 3 bal 100 manat məbləğində, avtobus dayanacağında dayandığı üçün isə 2 bal 40 manat məbləğində qayda pozuntusu törədib.

Fərid