Bir neçə saniyə qabağa düşmək istəyən sürücü görün necə təhlükə yaratdı - VİDEO

Paytaxtın Nəsimi rayonu Rəşid Behbudov küçəsində qayda pozan sürücü kameraya düşüb.

Avtosfer.az-ın məlumatına görə, hadisə sentyabrın 26-da saat 08:56 radələrində qeydə alınıb. Hərəkətdə olan 99-HR-172 dövlət nömrə nişanlı “KIA Rio” markalı avtomobilin sürücüsü manevr qaydasını pozub. Belə ki, o, qəflətən sol zolağa keçid edib və arxadan gələn maşına qəza riski yaradıb. Xoşbəxtlikdən təhlükəylə üzləşən sürücü peşəkarlıq göstərərək vaxtında ən sol zolağa manevr edib. Ardınca isə o, əsəbiləşərək qayda pozan sürücüyə “nə edirsən?” deyə sual verib. Lakin sürücü ona əhəmiyyət vermədən yoluna davam edib.

Qeyd edək ki, “Yol hərəkəti haqqında” qanunun 42-ci maddəsinə əsasən, sürücü zolağını dəyişdiyi zaman eyni istiqamətdə gedən avtomobillərə yol verməlidir.

Nərmin