Biri avtobus zolağına çıxıb ötdü, o biri isə sağdan ötüb təhlükə yaratdı - VİDEO

Bakıda ötmə qaydasını kobud şəkildə pozan sürücülər kameraya düşüb. Avtosfer.az xəbər verir ki, hadisə iyulun 26-da, paytaxtın 8 Noyabr prospektində qeydə alınıb. Belə ki, 77-ED-798 qeydiyyat nişanlı "Chevrolet" markalı avtomobilin sürücüsü qarşısındakı avtomobilləri ötmək üçün iki dəfə avtobus zolağına keçib. Daha sonra isə həmin zolaqla hərəkət edərək yoluna davam edib.

99-TT-259 qeydiyyat nişanlı "Toyota" markalı avtomobilin sürücüsü isə hərəkət etdiyi zolağın yalnız sola dönəcəyini görən anda qəfildən iki avtomobilin arasından sağ zolağa keçib. Bu zaman sağdakı avtomobilin qarşısına keçərək ona təhlükə yaradıb.

Fərid