Biri qarşıdan, biri isə yandan sıxışdırıb qəza şəraiti yaratdı - VİDEO

Bakıda yol hərəkəti qaydasını pozan sürücülər kameraya düşüb. Avtosfer.az xəbər verir ki, hadisənin biri sentyabrın 16-da, Binəqədi rayonu, Azadlıq prospektində baş verib. Belə ki, 77-BT-110 qeydiyyat nişanlı marşrut avtobusunun sürücüsü qoşa xəttin tələbini pozaraq əks yola çıxıb. O, axına qarşı hərəkət edərək görüntünü qeydə alan sürücüyə təhlükə yaradıb.

Digər görüntü isə sentyabrın 30-da, paytaxtın Əbdülvahab Salamzadə küçəsində baş verib. Belə ki, 77-XO-439 qeydiyyat nişanlı "Toyota" markalı avtomobilin sürücüsü sağ hərəkət hissəsindən sola keçən zaman görüntünü qeydə alan avtomobili sıxışdıraraq qəza şəraiti yaradıb. Sürücü səs siqnalı ilə xəbərdarlıq edən zaman isə, o, əlini bayıra çıxararaq hədələməyə başlayıb.

Fərid