“BMW” ilə “avtoş”luq edən gənclərə ağır cəza; birinin vəsiqəsi ömürlük ləğv edildi - VİDEO

“BMW” markalı maşınlarla avtoxuliqanlıq edən şəxslər saxlanılıb. Avtosfer.az xəbər verir ki, Türkiyənin İzmir şəhərində baş verən hadisənin görüntüləri telefon vasitəsi ilə qeydə alınb. Belə ki, iki “BMW” markalı avtomobilin sürücüləri Kemalpaşa küçəsində “drifit” ediblər. Nəqliyyatın hərəkətinə maneə yaradan və digər hərəkət iştirakçılarının həyatını təhlükəyə atan şəxslər bu əməllərini sosial şəbəkədə paylaşıblar. Görüntülər yayımlandıqdan sonra Şəhər Polis İdarəsinin Yol Polisi Şöbəsinin əməkdaşları qayda pozan sürücüləri müəyyən edib. Saxlanılan sürücülərdən biri 12 fərqli yol hərəkəti qaydasını pozduğuna görə ümumilikdə 3000 manat cərimə olunub. Onun sürücülük vəsiqəsi də iki ay müddətinə ləğv edilib və nəqliyyat vasitəsi cərimə meydançasına yerləşdirilib.

Digər sürücü 9 fərqli qayda pozuntusuna görə ümumilikdə 2600 manat cərimə olunub.  O, “drift” hərəkətlərini  ikinci dəfə etdiyi səbəbindən onun sürücülük vəsiqəsi birdəfəlik ləğv edilib və nəqliyyat vasitəsi 60 gün müddətinə cərimə meydançasına yerləşdirilib.

Bundan başqa, hər iki sürücü yol hərəkəti təhlükəsizliyini təhlükə atığına görə hakim qarşısına çıxacaq.

Sözügedən hadisənin videosunu təqdim edirik:

Namiq Musayev