“BMW” ilə toy karvanında “avtoş”luq edən sürücü barədə araşdırma başladı - VİDEO

Toy karvanında yol-hərəkəti qaydalarını kobud şəkildə pozan sürücünün videosu sosial şəbəkədə yayılıb.

Avtosfer.az-ın məlumatına görə, görüntü bir müddət əvvəl Gədəbəy rayonu ərazisində qeydə alınıb. Belə ki, 99-RX-088 dövlət nömrə nişanlı “BMW” markalı avtomobilin sürücüsü təhlükəli manevrlər edib. Yol boyu “sağ-sol” edən sürücü hərəkətdə olan digər nəqliyyat vasitələrinə qəza şəraiti yaradıb.

DİN-in Mətbuat Xidmətinin Gəncə regional qrupundan Avtosfer.az-ın sorğusuna cavab olaraq bildirilib ki, sosial şəbəkələrdə yayılan görüntülərlə bağlı Gədəbəy Rayon Polis Şöbəsində araşdırma aparılır, məsələyə hüquqi qiymət veriləcək.

Nərmin