Boş yerlərdə dayanmayan sürücü maşındakı sərnişini yolun ortasında düşürdü - VİDEO

Bakı-Sumqayıt yolunda dayanma-durma qaydalarını kobud şəkildə pozan sürücü digər hərəkət iştirakçılarına çətinlik yaşadıb. Avtosfer.az xəbər verir ki, hadisə dekabrın 21-də, sözügedən yolun giriş hissəsində qeydə alınıb. Nəqliyyat axınının intensiv olduğu bu ərazidə 99-ZL-241 qeydiyyat nişanlı "Toyota" markalı avtomobilin sürücüsü hərəkət hissəsində avtomobili dayandıraraq, qaydaları açıq şəkildə pozub.

Məlumata görə, yolun kənarında dayanmaq üçün kifayət qədər boş yerlər olmasına baxmayaraq, sürücü avtomobili yolun hərəkət zolağında saxlayıb. Bu isə nəqliyyatın hərəkətinə ciddi şəkildə maneə yaradıb və təhlükəli vəziyyətə səbəb olub.

"Yol hərəkəti haqqında" qanunun tələblərinə əsasən, yaşayış məntəqələrindən kənarda sürücülər yalnız yol çiynində dayanmalıdırlar. Əgər yol çiyni mövcud deyilsə, avtomobilin yolun hərəkət hissəsində dayanması yalnız sərnişinlərin mindirilməsi və ya düşürülməsi üçün icazə verir. Digər hallarda hərəkət hissəsində dayanmaq qanunla qəti şəkildə qadağandır və məsuliyyət doğurur.

Könül Rauf