Boş yerləri bəyənməyən sürücü yolun ortasında hərəkəti çətinləşdirdi - VİDEO

Xırdalanda dayanma-durma qaydalarının pozulması artıq adi hala çevrilib və bu vəziyyət həm yol hərəkəti təhlükəsizliyinə, həm də nəqliyyat axınının normal hərəkətinə ciddi maneələr yaradır. Sürücülərin xüsusilə ikinci cərgədə parklanma etməsi nəticəsində digər avtomobillər üçün yol daralır, tıxaclar yaranır və qəza riski artır.

Avtosfer.az xəbər verir ki, belə bir qayda pozuntusu Heydər Əliyev prospektində baş verib. Avtomobildə quraşdırılmış kameraya qeydə alınan görüntülərdə 99-VM-927 qeydiyyat nişanlı "Honda" markalı avtomobilin sürücüsünün geriyə dönmə yerinin qarşısında yolu zəbt etdiyi açıq-aydın görünür. Bu səbəbdən, geriyə dönmə manevrini başa çatdırmağa çalışan avtomobilin hərəkəti məhdudlaşdırılıb. Halbuki görüntülərdən aydın olur ki, yolun sağ kənarında və bir qədər irəlidə parklanma üçün kifayət qədər boş yerlər var. Lakin qayda pozan sürücü həmin yerlərdən istifadə etmək əvəzinə ikinci cərgədə dayanaraq nəqliyyatın axınına süni maneə yaradıb.

Könül Rauf