Bu binanın sakinləri özlərinə yeni yol düzəldiblər - 4 bal 150 manat cərimə - VİDEO

Bakıda yol hərəkəti qaydasını pozan sürücünün hərəkətləri kameraya düşüb. Avtosfer.az xəbər verir ki, hadisə dekabrın 26-da, paytaxtın Abdulla Şaiq küçəsində baş verib.

Məlumata görə, 77-DE-543 dövlət qeydiyyat nişanlı "Opel" markalı avtomobilin sürücüsü binanın qarajından çıxaraq Nəriman Nərimanov prospektinə doğru getmək istəyib. Lakin sürücü, vaxt qazanmaq və yolunu 200 metr qısaltmaq məqsədilə kobud şəkildə qaydaları pozub. O, avtomobili səkiyə çıxarıb və yolun əks istiqamətində hərəkət edib. Daha sonra pandusdan aşağı düşərək Nəriman Nərimanov prospektinə çıxıb.

Qeyd etmək lazımdır ki, həmin binanın qarajından çıxan bəzi sürücülər yolunu qısaltmaq üçün bu cür qayda pozuntularına yol verirlər. Bu davranış həm piyadalar, həm də digər hərəkət iştirakçıları üçün ciddi təhlükə yaradır.

Könül Rauf