Bu cür məsuliyyətsizliyə görə piyadalar yol qəzalarının qurbanına çevrilirlər - VİDEO

Bakıda öz həyatlarını təhlükə altına atan gənclər kameraya düşüblər. Avtosfer.az xəbər verir ki, hadisə paytaxtın Yusif Səfərov küçəsində qeydə alınıb. Videodan da göründüyü kimi, iki gənc oğlan ayırıcı zolağın üzəri ilə hərəkət edirlər. Daha sonra onlar yolun hərəkət hissəsinə çıxaraq irəliləməyə davam ediblər. Bu zaman isə sol zolaqla hərəkət edən avtomobillərin sürücüləri üçün təhlükəli vəziyyət yaradıblar.

Piyadaların vurulması ilə nəticələnən yol-nəqliyyat hadisələrinin əsas səbəblərindən biri də məhz bu cür hərəkətlərdir. "Mənə heç nə olmaz" düşüncəsi ilə qaydaları pozan piyadalar, kiçik bir məsuliyyətsizlik ucbatından yol qəzalarının qurbanına çevrilirlər. Təcrübəyə görə, yolun hərəkət hissəsinin ən sol zolağı təhlükəli sayılır. Çünki avtomobillər həmin zolaqda yüksək sürətlə hərəkət edirlər. Bu videoda isə görüntünü qeydə alan avtomobili sağdan kimsə sıxışdırsa və qəza baş versəydi, həmin piyadaların da vurulması riski yaranacaqdı. Lakin piyadalar yolun ortası ilə hərəkət edərkən bütün bu riskləri nəzərə almırlar.

Fərid