Bu ərazidə sürücülər hər gün kütləvi qayda pozur: Təhlükə və tıxac qaçılmazdır - VİDEO

Paytaxtın Yasamal rayonu, Kənar Dairəvi yolda kütləvi qayda pozan sürücülər görüntülənib.

Bu barədə izləyicilərdən biri Avtosfer.az-ın “Facebook” səhifəsinə video göndərərək məlumat verib. Kadrdan aydın olduğu kimi, 10-HH-484 dövlət nömrə nişanlı “Changan” markalı, 77-ET-988 dövlət nömrə nişanlı “Fiat” markalı, 90-DL-066 dövlət nömrə nişanlı “Lexus” markalı, 77-VK-210 dövlət nömrə nişanlı “Changan” markalı, 01-BT-154 dövlət nömrə nişanlı “Mercedes” markalı və 77-DN-449 dövlət nömrə nişanlı “KIA” markalı avtomobillərin sürücüləri işıqforun qırmızı işığında gözləməmək üçün əks yola çıxaraq hərəkət ediblər.

Nəticədə onlar qarşıda öz zolaqlarına yenidən qayıdaraq tıxaca səbəb olublar. Qayda pozan sürücülər həmçinin qarşıdan gələn yük maşınına da qəza riski yaradıb. Çarəsiz qalan yük maşınının sürücüsü sağa manevr edərək hərəkətinə davam edib.
İzləyici bildirib ki, sözügedən ərazidə demək olar ki, hər gün eyni hal baş verir və nəticədə sürücülər dəqiqələrlə tıxacda qalmalı olurlar.

Qeyd edək ki, qırmızı işıqda dayanmamaq və əks yola çıxmaq yol hərəkəti qaydalarının kobud pozuntusudur. Bu cür hərəkətlər yalnız tıxac yaratmır, həm də ağır nəticəli qəzalara yol aça bilər.

Nərmin