Bu ərazidə xaotik mənzərə hökm sürür: Sürücülər maşınları necə gəldi park edirlər - VİDEO

Paytaxtın Neftçilər prospektində (Dəniz Vağzalının qarşısında) dayanma-durma qaydalarını kütləvi şəkildə pozan sürücülər görüntülənib.

Xoşagəlməz mənzərəylə bağlı izləyicilərdən biri Avtosfer.az-ın “Whatsapp” ünvanına videomaterial göndərib. Kadrdan da göründüyü kimi, sözügedən ərazidə avtomobillər xaotik şəkildə - 3-4 sıra park edilib. Eyni zamanda ilk sırada dayanmış maşınların sürücüləri nəqliyyat vasitələrini bucaq altında saxlayıblar. Bir sözlə, ərazi sürücülərin parkinq zonasına çevrilib.

Videoda aydın olur ki, sözügedən ərazidə saat 07:00-dan 18:30- qədər qüvvədə olan dayanma-durmanı qadağan edən nişan mövcuddur. İzləyicinin sözlərinə görə, ərazidə demək olar ki, hər gün eyni vəziyyət hökm sürür. 

Nərmin