Bu küçədə hər gün hərəkət zolağı zəbt olunur, tıxac yaranır - VİDEO

Paytaxtda yolun ortasında parklanan avtomobillər tıxaca səbəb olur.

Avtosfer.az xəbər verir ki, bu barədə görüntülər sosial şəbəkələrdə yayılıb.

Belə ki, Koroğlu Rəhimov və Təbriz küçələrinin kəsişməsində, körpünün kənarındakı yolda avtomobillər parklanıb. Sakinlər və yoldan istifadə edən sürücülər bildirir ki, sözügedən ərazidə hər gün tıxac yaranır.

Görüntülərdə 90-XR-736 dövlət nömrə nişanlı “Mitsubishi” markalı, 77-BN-024 dövlət qeydiyyat nişanlı “Mercedes” markalı və “Ford” markalı avtomobillərin sürücüləri üçüncü zolağını zəbt edib. Vətəndaşlardan biri isə iddia edir ki, burada avtomobil saxlayanlar yaxınlıqda işləyənlərdir.

Qeyd edək ki, yolda parklanan sürücülərin hər biri İnzibati Xətalar Məcəlləsinin 346.1 maddəsinə əsasən 20 manat cərimə edilməlidir.

Məhəbbət Tərlanoğlu