Bu küçədə sürücülər piyadaların hərəkətini hərtərəfli çətinləşdirirlər - VİDEO

Paytaxtın Nəsimi rayonu Məmmədcəfər Cəfərov küçəsində dayanma-durma qaydalarını kütləvi şəkildə pozan sürücülər görüntülənib.

Bu barədə izləyiclərdən biri Avtosfer.az-ın “Whatsapp” ünvanına vidromaterial göndərib. Görüntüdən aydın olduğu kimi, 10-UU-322 dövlət nömrə nişanlı “Ford” markalı, 77-HU-147 dövlət nömrə nişanlı “Nissan” markalı, 77-RR-306 dövlət nömrə nişanlı “Toyota” markalı avtomobillərin sürücüləri səkini zəbt ediblər. Hətta “Nissan”nın sürücüsü maşını səkidə sürərək hərəkətdə olan piyadalara təhlükə yaradıb. Sözügedən küçədə piyada keçidi də şəxsi parkinq zonasına çevrilib. Belə ki, 99-NV-407 dövlət nömrə nişanlı “Mercedes” markalı, 77-BA-703 dövlət nömrə nişanlı “Toyota” markalı və digər avtomobillərin sürücüləri piyada nişanına əhəmiyyət vermədən avtomobillərini keçidin üzərində və yaxınlığında park ediblər. 

Xatırladaq ki, maşını səkidə park etmək İnzibati Xətalar Məcəlləsinin 346.1-ci maddəsinə əsasən, 20 manat məbləğində cəriməylə, piyada keçidində və ona 5 metr məsafədə saxlamaq isə İnzibati Xətalar Məcəlləsinin 346.1-ci maddəsinə əsasən 2 bal və 60 manat məbləğində cəriməylə nəticələnir.

Nərmin