Bu məktəbə gedən sürücülər hər gün yolu bağlayırlar - VİDEO

Paytaxtın Səbail rayonunda yerləşən 6 saylı orta məktəbə gedən valideynlər yolda tıxaca səbəb olurlar. Avtosfer.az xəbər verir ki, Bəhram Gurun heykəlinin qarşısından sağa dönmək istəyən sürücülər sıxlıq olduğunu görərək sol zolaqdan dönməyə çalışırlar. Bu zaman yolda hərəkət tamamilə dayanır. Düzünə Bayraq Meydanı istiqamətinə getmək istəyən sürücülər sağa dönən avtomobillərə görə tıxacda qalmalı olurlar. Yolda hərəkət o qədər gərginləşir ki, tıxacın uzunluğu Qız Qalasına kimi uzanır.

Övladlarını məktəbdən götürən sürücülərə tövsiyə edirik ki, yolda yaranan tıxacı nəzərə alaraq maksimum avtomobildən az istifadə etsinlər. Belə hallar yaranan zaman isə tək özlərini düşünməsinlər. Videogörüntüdən də aydın şəkildə görünür ki, özünü düşünərək sol zolağı məşğul edən sürücülər onlarla avtomobilin yolunu kəsib.

Könül Rauf