Bu piyadalar keçidi qoyub görün yolu haradan keçdilər - VİDEO

Bakıda yol hərəkəti qaydasını pozan piyadalar kameraya düşüb. Avtosfer.az xəbər verir ki, hadisə iyulun 23-də, paytaxtın Xəlil Rza Ulutürk küçəsində (Koroğlu metrostansiyasının yaxınlığında) qeydə alınıb.

Hadisə zamanı bir neçə piyada yaxınlıqda keçidin olmasına baxmayaraq, yolu müəyyən olunmamış yerdən keçiblər. Videodan da aydın şəkildə görünür ki, cəmi 3-4 metr irəlidə piyada keçidi mövcud olsa da, piyadalar qanunları və ictimai təhlükəsizliyi nəzərə almadan hərəkət ediblər. Bu isə nəinki onların öz həyatlarını, həm də digər yol hərəkəti iştirakçılarının – xüsusən sürücülərin təhlükəsizliyini ciddi şəkildə risk altına atır.

Xatırladaq ki, yol hərəkətində hər bir iştirakçının – istər sürücünün, istərsə də piyadanın məsuliyyətli davranması vacibdir. Əks halda, nəticələr faciəvi ola bilər.

Fərid