Bu sürücü elə bilir dönmə işığını yandırıb "aya" da çıxmaq olar - VİDEO

Xırdalan şəhərində manevr qaydasını pozan sürücü digər avtomobilə təhlükə yaradıb. Avtosfer.az xəbər verir ki, hadisə Heydər Əliyev prospektində qeydə alınıb. Belə ki, 99-OU-427 qeydiyyat nişanlı "Toyota Prius" markalı avtomobilin sürücüsü sağ zolaqla hərəkət etdiyi zaman dönmə işığını yandıraraq anidən sol zolağa keçib, daha sonra isə sürətini azaldaraq sola dönüb. Bu zaman görüntünü qeydə alan avtomobilə təhlükəli vəziyyət yaradıb.

Sürücülər bir çox hallarda düşünürlər ki, dönmə işığı yandırmaq onlara üstünlük verir və bu halda onlar istədikləri formada manevr etsələr qayda pozmamış hesab edilirlər. Bu, kökündən yanlış fikirdir. Qanunvericilikdə qeyd olunub ki, sağa və sola dönən sürücü öncədən müvafiq kənar vəziyyət seçməlidir. Çox təəssüf ki, əksər sürücülər buna məhəl qoymurlar. Nəticədə də qəzalar qaçılmaz olur.

Fərid