Bu sürücü nə etdiyini bilmir: qayda pozur, amma xəbəri yoxdur - VİDEO

Sürücünün bir neçə yol hərəkəti qaydasını pozması avtomobildəki kamera tərəfindən qeydə alınıb. Avtosfer.az xəbər verir ki, hadisə iyunun 20-də paytaxtın Mehdi Hüseyn küçəsində baş verib.

77-UG-772 dövlət nömrə nişanlı "Mercedes" markalı avtomobilin sürücüsü yalnız sola hərəkət üçün nəzərdə tutulan zolaqla hərəkət edib və sonra bütöv xəttin üzərindən keçərək sağa manevr edib. Daha sonra isə svetoforun qırmızı işığında hərəkətini davam etdirib və bir neçə metr irəlidə dayanaraq yaşıl işığın yanmasını gözləyib.

Sürücü elə güman edib ki, irəlidə dayanıb gözləməklə qaydalara əməl edib. Lakin unutmaq olmaz ki, svetoforu keçib dayanmaq qanunvericiliyə əsasən qırmızı işıqda keçmək kimi qiymətləndirilir. Bu qayda pozuntusuna görə sürücü 3 bal 100 manat məbləğində cərimə oluna bilər.

Fərid