Bu sürücüdən ehtiyatlı olun: Qayda pozub şər atır - VİDEO

Yol hərəkəti qaydasını pozan sürücünün özünə haqq qazandırması anbaan kameraya düşüb. Avtosfer.az xəbər verir ki, hadisə oktyabrın 14-də, paytaxtın İnşaatçılar prospektində baş verib.

Belə ki, 99-OT-369 qeydiyyat nişanlı "Toyota Prius" markalı avtomobilin sürücüsü manevr qaydasını pozaraq təhlükə yaradıb. Yaranmış vəziyyətlə bağlı irad bildirilən zaman isə o, görüntünü qeydə alan sürücüyə "sən düz sürmürsən" deyərək şər atıb.

Qeydə alınmış videogörüntüdən də aydın şəkildə görünür ki, "Toyota Prius"un sürücüsü əvvəlcə iki zolağın ortası ilə hərəkət edib, daha sonra isə Nəriman Nərimanov prospektinə daxil olduqdan sonra manevr qaydasını kobud şəkildə pozub. Bu azmış kimi səhvi digər sürücünün üzərinə atıb.

Fərid