Bu sürücülər qaydanı niyə pozur? – VİDEO

Bakıda "VAZ 2107" markalı avtomobil yol hərəkəti qaydalarını kobud şəkildə pozaraq qəza şəraiti yaradıb. Avtosfer.az milli.az-a istinadən xəbər verir ki, hadisə martın 13-də gecə təxminən saat 23:50-də Binəqədi rayonunda, metronun "Azadlıq prospekti" stansiyası və ya Dövlət Miqrasiya Xidməti tərəfdən Binəqədi qəsəbəsinə gedən istiqamətdə, 1-ci işıqforda baş verib. Belə ki, "VAZ 2107" markalı avtomobil həm işıqforun qırmızı işığında hərəkət edib, həm əks istiqamətli hərəkət zolağına çıxaraq qəza şəraiti yaradıb. Avtomobilin sürücüsünün bu qanunsuz hərəkətləri isə işıqforda dayanmış digər avtomobilin registratoru tərəfindən qeydə alınıb.

Qeyd edək ki, Bakıda "VAZ 2107" markalı avtomobillərin sürücüləri daha çox avtoxuliqanlıq və ya onların dili ilə desək, "avtoş"luq etmələri ilə seçilirlər. Registratorda qeydə alınmış həmin hadisənin videokadrlarını sizə təqdim edirik.