Bu sürücünün ya qanundan xəbəri yoxdur, ya da qəsdən pozur - 4 bal 150 manat - VİDEO

Yollarda hərəkət edən sürücülərin böyük əksəriyyəti özünü professional, peşəkar, ən bilikli sürücü hesab edir. Lakin hərəkətlərini, davranışlarını kənardan izləyən zaman nəinki peşəkar, hətta bəzilərində ilkin vərdişlərin olmadığı aydın şəkildə görünür. Belə sürücülərdən birinin hərəkətləri kameraya düşüb. Avtosfer.az xəbər verir ki, hadisə oktyabrın 30-da, paytaxtın Badamdar şosesində baş verib.

Belə ki, 77-XP-468 qeydiyyat nişanlı "KIA" markalı avtomobilin sürücüsü gəldiyi istiqamətdən sola dönən zaman əks yola çıxıb. O, hərəkətini əks yolda davam etdirərək qaydaları kobud şəkildə pozub. Buradan sual yaranır ki, bu sürücü bilmir ki, sola dönən zaman əks yola çıxmaq olmaz? Yoxsa qaydaları qəsdən pozur?

Qeyd edək ki, bu qayda pozuntusuna görə, həmin sürücü İnzibati Xətalar Məcəlləsinin 327.4-cü maddəsilə 4 bal 150 manat məbləğində cərimə oluna bilər.

Fərid