Bu yanacaqdoldurma məntəqəsindən çıxanda diqqətli olun: Kameralar çəkir - VİDEO

Bakı-Sumqayıt yolunda avtobus zolağına düzgün giriş-çıxış etməyən sürücülər cərimələnirlər. Avtosfer.az xəbər verir ki, əsasən yanacaqdoldurma məntəqələrinə girib-çıxan sürücülər avtobus zolağına daxil olduqları üçün cərimələnirlər. Sürücülərdən biri redaksiyamıza müraciət edərək bildirib ki, sözügedən yolun üzü şəhər istiqaməti olan hissəsində 8 dəfə cərimələnib. O, "Meta Oil" adlı yanacaqdoldurma məntəqəsindən çıxdıqdan sonra avtobus zolağı ilə hərəkət etdiyi üçün cərimələnib.

Qeyd edək ki, yolayrıclarında və ydm-lərin qarşısında avtobus zolağını kəsib keçmək üçün xüsusi yerlər təşkil edilib. Sözügedən ydm-dən çıxan sürücülər adətən sol zolağa yerdəyişmə etmədən avtobus zolağı ilə hərəkətlərinə davam edirlər. Bu səbəbdən də kamera vasitəsilə elektron qərarlar tərtib olunur. Sürücülər həmin ydm-dən çıxan zaman avtobus zolağının başladığı yerə kimi sol zolağa yerdəyişmə etməlidirlər.

Nərmin