Bu yolda ciddi problemlər var: Avtobuslar sərnişinləri yolun ortasında düşürür - VİDEO

Sumqayıt şəhərində hərəkətin təşkilində olan nöqsan və sürücülərin intizamsızlığı yolda hərəkəti çətinləşdirir. Avtosfer.az xəbər verir ki, söhbət Koroğlu küçəsilə Üzeyir Hacıbəyov küçəsinin kəsişməsindən gedir. Qeydə alınmış videodan da aydın şəkildə görünür ki, avtobuslar üçün dayanacaq var, lakin dayanacağı bildirən 5.14 nişanı yoxdur. Digər avtomobillər həmin dayanacaqda parklanma etdikləri üçün avtobus sürücüləri sərnişinləri yolun ortasında düşürməli olurlar. Bu isə həm sərnişinlərin həyatı üçün təhlükə yaradır, həm də arxadan gələn digər avtomobillərin hərəkətini çətinləşdirir. Qeydə alınmış bu videoda 77-DP-571 qeydiyyat nişanlı "Honda" markalı avtomobilin sürücüsünün də qayda pozuntusu əks olunub. O, ikinci cərgədə parklanma edərək gərginliyi daha da artırıb.

Fərid