Bu yolda hər gün xaos yaşanır: İnsanlar boğaza yığılıb - VİDEO

Bakıda dayanma-durma qaydasının pozulduğu məkanlardan biri də məktəblərin qarşısıdır. Avtosfer.az xəbər verir ki, Nərimanov rayonu, Əliyar Əliyev küçəsində hər gün yaşanan xaosla bağlı oxucular redaksiyamızın qaynar xəttinə şikayət ünvanlayıb.

Belə ki, sözügedən küçədə yerləşən "Bakı Modern Məktəbi"nin qarşısında dayanma-durma qaydasını pozan sürücülər yolda hərəkəti iflic edirlər. Məktəbə övladını gətirən sürücülər maşınları necə gəldi park edirlər. Bu yolda hər gün eyni vəziyyət yaşanır. Nəzarət olmadığı üçün tıxacın uzunluğu bir neçə yüz metr uzanır.

Oxucular hərəkətin fasiləsizliyinin təmin edilməsi üçün aidiyyəti qurumlardan addım atılmasını xahiş edirlər.

Könül Rauf