Bu yolda nişanlar dəyişdi - Sola dönənləri kamera çəkir - VİDEO

Bir neçə gün öncə paytaxtın Üzeyir Hacıbəyli küçəsində hərəkətin təşkilinə dəyişiklik edilib. Avtosfer.az xəbər verir ki, dəyişikliklə bağlı məlumat verilsə də, təəssüf ki, əksər sürücülər bundan məlumatsızdır. Belə ki, dəyişiklikdən sonra, Yusif Səfərov küçəsi ilə hərəkət edən nəqliyyat vasitələri Ü.Hacıbəyli küçəsinin sağ kənar yoluna daxil olduqda, oradan sola mərkəz hissəsinə manevr edə bilməyəcəklər. Buna dair hərəkətin düzünə məcburiliyini bildirən nişan da quraşdırılıb. Sağ kənar yola daxil olan sürücülər hərəkəti yalnız düzünə davam etdirməklə Nizami küçəsi istiqamətinə gedə bilərlər.

Həmin kəsişmə yerində nişanın tələbini pozaraq sola dönən sürücülər kamera vasitəsilə 40 manat məbləğində cərimə olunurlar. Bununla bağlı artıq bir neçə sürücü sosial şəbəkə hesabında video paylaşıb.

Sözügedən videogörüntüləri təqdim edirik.

Nərmin