Bu yolda sol zolaqla düzünə getməyin: Cərimələnə bilərsiniz - VİDEO

Paytaxtın Üzeyir Hacıbəyli küçəsində yerləşən Cavanşir körpüsü söküldükdən sonra hərəkətin təşkilinə bəzi dəyişikliklər edilib. Avtosfer.az xəbər verir ki, həmin yolun sol zolağı ilə hərəkət edən sürücülər yerdə çəkilmiş düzünə və sola hərəkəti bildirən oxu görərək düşünürlər ki, bu zolaq düzünə davam edəcək. Lakin 20 metr qarşıda hərəkətin yalnız sola olduğunu və yerdə bütöv xəttin çəkildiyini görürlər.

Təqdim etdiyimiz videogörüntüdə "Range Rover" markalı avtomobilin sürücüsü vaxtında sağ zolağa keçmədiyi üçün bütöv xəttin tələbini pozmağa məcbur olub. Bu halda isə həmin hərəkəti edən sürücülər 40 manat məbləğində cərimə oluna bilərlər.

Qeyd edək ki, həmin kəsişmədə zolaqlar üzrə hərəkəti bildirən 5.8.1 nişanları da təşkil olunub.

Könül Rauf