Bu yolda sürücülər 30 saniyədə 1000 manatlıq qayda pozdular - VİDEO

Binəqədi-Novxanı yolunda kütləvi qayda pozan sürücülər görüntülənib.

Avtosfer.az-ın məlumatına görə, hadisə bir neçə gün əvvəl günorta saatlarında qeydə alınıb. Hərəkətdə olan 77-RZ-014 dövlət nömrə nişanlı “BMW” markalı, 99-MT-882 dövlət nömrə nişanlı “Mercedes” markalı, 77-YX-025 dövlət nömrə nişanlı “KIA” markalı, 77-BN-816 dövlət nömrə nişanlı “Toyota Prius” markalı, 99-UM-647 dövlət nömrə nişanlı “Ford Fusion” markalı, 90-TU-211 dövlət nömrə nişanlı “KIA” markalı,  avtomobillər əks istiqamətli yola çıxaraq axına qarşı hərəkət ediblər. Belə ki, tıxaca düşmək istəməyən sürücülər qarşı tərəfin boş olmasından “yararlanıblar”. Bu zaman görüntünü qeydə alan sürücü onlara əsəbiləşərək iradını bildirib.

Xatırladaq ki, sürücülərin törətdiyi qayda pozuntusu İnzibati Xətalar Məcəlləsinin 327.4-cü maddəsinə əsasən 150 manat və 4 balla qiymətləndirilir.

Nərmin