Bu yoldan sağa dönəndə diqqətli olun! - 50 manat cəriməsi var - VİDEO

Bakıda sürücülərin tez-tez qayda pozuntusu törətdiyi yerlərdən biri də paytaxtın Mətbuat prospektidir. Avtosfer.az xəbər verir ki, sözügedən prospektin Əbdürrəhim bəy Haqverdiyev küçəsilə kəsişmədə sürücülər svetoforun siqnallarına və qanunun tələblərinə məhəl qoymurlar. Belə ki, svetoforun əsas bölməsində qırmızı işıq yanan zaman, əlavə bölmə üzrə sağa dönən sürücülər piyadalara yol vermirlər. Qeyd edək ki, əsas bölmədə qırmızı işıq yanan zaman piyadaların svetoforunda yaşıl işıq yanır. Lakin sürücülər buna əhəmiyyət vermir. Videodan da aydın şəkildə görünür ki, bir neçə sürücü hərəkətə başlamaq istəyən piyadalara yol verməyərək sağa dönürlər.

Fərid