Burada sürücülər maşınları istədikləri formada park edib sakinləri qəzəbləndirirlər - VİDEO

Paytaxtın Binəqədi rayonu, Mir Cəlal 103 ünvanında dayanma-durma qaydalarını pozan sürücülər görüntülənib.

Avtosfer.az xəbər verir ki, bu barədə sözügedən ərazidə yaşayan sakinlərdən biri sosial şəbəkə hesabında video paylaşıb. Görüntüdən aydın olduğu kimi, 90-FV-709 dövlət nömrə nişanlı “KIA Carens” markalı avtomobilin sürücüsü maşınını yolun hərəkət hissəsində, 77-NA-708 dövlət nömrə nişanlı “Ford” markalı avtomobilin sürücüsü isə blokun girişində park edib. Şikayətçi, sürücülərin davamlı olaraq nəqliyyat vasitələrini eyni ərazidə saxladığını bildirib.

Qeyd edək ki, qanunvericiliyə görə, avtomobili girişlərin, darvazaların qarşısında park etmək qadağandır və dayanmış nəqliyyat vasitələri arasında məsafə 3 metrdən az olmamalıdır.

Xatırladaq ki, İnzibati Xətalar Məcəlləsinin 346.1-ci maddəsinə əsasən, 20 manat məbləğində cərimə nəzərdə tutulur.

Nərmin