Buzlu yolda sürüşüb qəzaya düşməmək üçün bunları bilmək VACİBDİR - VİDEO
Qaydalar 11 Yanvar 2021 11:00 Oxunub 950
Buzlu yolda sürüşüb qəzaya düşməmək üçün bunları bilmək VACİBDİR  - VİDEO

Bildiyimiz kimi yanvarın 9-u səhər saatlarında Bakı-Qazax yolunun Kürdəmir rayonu Sığırlı kəndindən keçən hissəsində zəncirvari yol nəqliyyat hadisəsi  baş vermişdir.

Belə ki, baş verən yol nəqliyyat hadisəsi  nəticəsində avtomobillərə ciddi ziyan dəyib və yaralanan şəxslər olub. Məlumata görə, qəzaya asfalt örtüyündə yaranmış buz və dumanlı hava şəraiti səbəb olub.

Şübhəsiz ki, bu cür qəzalarda sürücülərin intizamsızlığı ilə yanaşı aidiyyəti qurumların da günahı olur. Əvvəla qeyd edək ki, sürücülər şaxtalı və dumanlı havalarda daha da diqqətli olmalıdırlar. “Yol Hərəkəti Haqqında Qanun”un 50-ci maddəsində qeyd olunub ki,  sürücülər yol və meteoroloji şərati, xüsusən hərəkət istiqamətində görmə şəraitini nəzərə almaqla, nəqliyyat vasitəsini müəyyən olunmuş sürət məhdudiyyətindən çox olmayan sürətlə sürməlidir.

Lakin çox təəssüf hissi ilə bildiririk ki, sürücülər nə hava şəraitini nəzərə alır, nə də ki, avtomobillərini hava şəraitinə uyğunlaşdırırlar. Sürücülərə daim tövsiyə olunur ki, qış rejiminə keçən zaman avtomobillərin şinlərinə xüsusilə diqqət yetirsinlər. Əgər şinlərin protektorları normativə uyğun deyilsə, həmin avtomobillərlə yola çıxmasınlar. Ən əsas məsələlərdən biri isə, yola çıxmazdan öncə hava proqnozu ilə tanış olmaları daha yaxşı olardı. Lakin sürücülər bu məsələyə də qeyri-ciddi yanaşırlar.

 

Baş verən bu cür qəzalarda dövlət qurumlarının günahı isə ondan ibarətdir ki, hərəkətin təşkilinə və təhlükəsizliyinə bəzən dırnaqarası baxırlar.  Qeyd edə ki, xarici ölkələrdə sürüşkən yollarda qəzaların və təhlükələrin qarşısını almaq üçün öncədən sürüşkən yolu bildirən nişan qoyulur.

Bəs gəlin baxaq görək bizim yollarda bu nişana rast gələ bilirik?

Bir neçə vacib yol nişanları var ki, onların heç biri yollarda tətbiq edilmir. Bu nişanlardan biri də, öncə vurğuladığımız 1.15 “sürüşkən yol” nişanıdır. Həmin nişan müvəqqəti  yol nişanı kimi də təşkil edilə bilər. Misal üçün qeyd edək ki, həmin ərazidə xidmət aparan yol polisləri asfalt örtüyünün buz bağladığını görən zaman, “sürüşkən yol” nişanını təşkil etsə, sürücülər nişanı görərək daha da ehtiyatlı olarlar.

 

Təbriz

 

 

ŞƏRH YAZ
Ad

E-mail

Şərh