Cərimədən yayınmaq üçün qəfil tormoz verən sürücü qəzaya düşdü - VİDEO

Svetoforun son saniyəsində dayanan sürücü qəzaya səbəb olub. Avtosfer.az xəbər verir ki, hadisə dekabrın 17-də, paytaxtın Babək prospektində baş verib.

Hadisənin baş vermə yerindən belə məlum olur ki, qarşıdakı sürücü svetoforun sarı işığı yanan zaman sərt tormoz verib. Nəticədə arxadan gələn sürücü svetofordan keçəcəyini düşünsə də, təəssüf ki, qəza ilə nəticələnib.

Biz dəfələrlə vurğulamışıq ki, yaşıl işığın yanıb-sönməsi hərəkəti qadağan etmir. Sarı işıq yanan zaman isə sürücü qəfil tormoz verərək qəza şəraiti yaradacaqsa hərəkətini davam etdirməlidir. Bu hallarda sarı işıqda keçmək qayda pozuntusu hesab olunmur. "Yol hərəkəti haqqında" qanunda da qeyd olunub ki, svetoforun sarı işığı yandıqda və ya nizamlayıcı qolunu yuxarı qaldırdıqda nəqliyyat vasitəsini kəskin tormozlamadan dayana bilməyəcək sürücülərə hərəkəti davam etdirməyə icazə verilir.

Əksər sürücülər cərimələnməkdən çəkindikləri üçün bəzən elə addım atırlar ki, bu, daha təhlükəli sonluqla nəticələnir.

Fərid