Çərpələng və dilək şarları uçurmaq qadağan olundu

Türkiyədə hava limanlarına yaxın yerlərdə çərpələng və dilək şarları uçurmaq qadağan olunub. Avtosfer.az-ın “Report”a istinadən verdiyi xəbərə görə, qadağa ilə əlaqədar ölkənin Mülki Aviasiya Baş İdarəsi qərar çıxarıb. Hava limanlarına 9 kilometr məsafədən daha yaxın sahələrdə tətbiq olunan qadağaya səbəb uçuş, can və mal təhlükəsizliyini təmin etməkdir. Qadağaya əməl etməyən şəxslər inzibati məsuliyyətə cəlb olunacaqlar.