Sürücü qəza şəraiti yaratdı: "Uşaqlarım qorxdu; sürücü özündə deyildi" - VİDEO

Bakıda qaydaları pozan sürücü qəza şəraiti yaradıb. Avtosfer.az xəbər verir ki, hadisə aprelin 10-da, paytaxtın Mikayıl Müşviq küçəsində qeydə alınıb. Belə ki, Mətbuat prospekti ilə hərəkət edən 90-EU-991 qeydiyyat nişanlı “Mercedes” markalı avtomobilin sürücüsü dairəvi hərəkət təşkil edilmiş yolayrıcında görüntünü qeydə alan sürücüyə yol verməyib. Nəticədə qəza şəraiti yaradıb.

O bildirir ki, həmin vaxt maşında ailəsi və uşaqları olub və baş verən hadisə nəticəsində qorxublar: “Öz yolumla hərəkət etdiyim halda həmin sürücü dayanmadan üstümə sürürdü. Mən də qəfil zolağımı dəyişərək qəzadan yayınmağa çalışdım. Daha sonra ona çatıb nə etmək istədiyini soruşdum və “içkilisən”? - deyə sual verdim. Lakin o, yenidən üzərimə sürməyə başladı. Mən onun ağlının başında olmadığını görüb sürətimi azaltdım ki, vurmasın məni. O həmin vaxt özündə deyildi” – deyə oxucu bildirib.

Leyla