Dairədə yol verməyən taksi digər sürücünü qəzəbləndirdi: “Tələsən mənimlə söhbət eləməz” - VİDEO

Paytaxtın Sabunçu dairəsində qayda pozan sürücü anbaan kameraya düşüb.
Avtosfer.az-ın məlumatına görə, hadisə yanvarın 31-i saat 18:28 radələrində qeydə alınıb. Videodan göründüyü kimi, taksi fəaliyyətiylə məşğul olan 77-KF-239 dövlət nömrə nişanlı “KIA Rio” markalı avtomobilin sürücüsü manevr qaydasını pozub. Belə ki, o, dönmə işığını yandıraraq dairəvi hərəkət təşkil edilmiş yolayırıcında növbəsini gözləmədən hərəkət edib. Bu zaman təhlükəylə üzləşən sürücü siqnal verərək xəbərdarlıq edib. Daha sonra isə sürücülər arasında kiçik mübahisə yaranıb. Sürücü qayda pozan şəxsə ona yol verməli olduğunu bildirib. Qarşılığında “tələsirəm” cavabını eşidən sürücü əsəbiləşib və “tələsən mənimlə söhbət eləməz” deyib.
Qeyd edək ki, bu qayda pozuntusu İnzibati Xətalar Məcəlləsinə əsasən 3 bal 80 manat cəriməylə nəticələnir. 

Nərmin