Dairədəki maşını görə-görə yol verməyən sürücü qəza riski yaratdı - VİDEO

Paytaxtın Nərimanov rayonu, Albert Aqarunov və Həsən Əliyev küçələrinin kəsişməsində qayda pozan sürücü kameraya düşüb.

Avtosfer.az-ın məlumatına görə, hadisə yanvarın 30-da saat 09:17 radələrində qeydə alınıb.

Videodan göründüyü kimi, 99-PC-615 dövlət nömrə nişanlı “BYD” markalı avtomobilin sürücüsü yolayrıcının keçilməsi qaydasını pozub. Belə ki, o, dairə boyunca hərəkət edən avtomobili görsə də yoluna davam edib və nəticədə qəza şəraiti yaradıb.

Xatırladaq ki, “Yol hərəkəti haqqında” Qanunun 42-ci maddəsində qeyd olunur ki, dairəvi hərəkət təşkil olunmuş yolayrıcının qarşısında “4.3 – Dairəvi hərəkət” nişanı qoyulduqda, sürücülər dairə üzrə hərəkət edən nəqliyyat vasitələrinə yol verməlidirlər.

Nərmin