Dayanacağa girməyən avtobus sürücüsü yolda sərnişin düşürüb-mindirdi - VİDEO

Paytaxtın Neftçilər prospektində qayda pozan avtobus sürücüsü kameraya düşüb.

Avtosfer.az-ın məlumatına görə, hadisə oktyabrın 27-də saat 09:37 radələrində qeydə alınıb.

Kadrlardan görünür ki, 99-JH-051 dövlət nömrə nişanlı “Iveco” markalı avtobusun sürücüsü dayanacağa daxil olmadan yolun kənarında saxlayaraq sərnişinləri mindirib-düşürür. Bu zaman o, digər nəqliyyat vasitələrinin hərəkətinə maneə yaradıb və sərnişinlərin təhlükəsizliyini risk altına qoyub.

Xatırladaq ki, qanunvericiliyə əsasən, ümumi istifadədə olan nəqliyyat vasitələrinin dayanacaq məntəqələrində dayanması və sərnişinlərin təhlükəsiz şəkildə minib-düşməsini təmin etməsi vacibdir. Sürücülər dayanma və durma qaydalarına əməl etməli, digər hərəkət iştirakçıları üçün maneə və təhlükə yaratmamalıdırlar.

Nərmin