Dəmiryol keçidində sürücülərin heç biri bu qaydaya əməl etmir: CƏRİMƏSİ VAR - VİDEO

Bakıda sürücülərin kütləvi şəkildə yol hərəkəti qaydalarını pozduqları bir görüntü oxucu tərəfindən redaksiyamızın qaynar xəttinə göndərilib. Avtosfer.az xəbər verir ki, video paytaxtın Əhməd Rəcəbli küçəsindəki dəmiryol keçidində çəkilib. Kadrlardan görünür ki, sürücülərin əksəriyyəti keçidin qarşısında qoyulmuş “stop” nişanına məhəl qoymur və dayanmadan yoluna davam edir. Demək olar ki, heç kim həmin nişanın tələbini yerinə yetirmir.

Xatırladaq ki, şlaqbaumla qorunmayan dəmiryol keçidlərində quraşdırılan “stop” nişanı mütləq dayanma tələb edir. Sürücü əvvəlcə dayanmalı, yaxınlaşan qatarın olub-olmadığını yoxlamalı, yalnız təhlükəsizliyə əmin olduqdan sonra hərəkət etməlidir. Təəssüf ki, baş verən bir çox ağır qəzalar məhz belə məsuliyyətsizlik və qayda pozuntuları səbəbindən yaşanır.

Qeyd edək ki, stop nişanında dayanmayan sürücülər İnzibati Xətalar Məcəlləsinin 327.1-ci maddəsilə 40 manat məbləğində cərimə oluna bilər.

Fərid