Dənizdə video çəkən sürücü maşını qumda batırıb çətin vəziyyətə düşdü - VİDEO

Avtomobili dənizin kənarında sürən sürücü çətin anlar yaşayıb. Avtosfer.az xəbər verir ki, hadisə Şüvəlan çimərliyində baş verib. Belə ki, 14-BF-014 qeydiyyat nişanlı "Hyundai" markalı avtomobilin sürücüsü dənizin sahilində video çəkmək istəyərkən avtomobil batıb.

Qeyd edək ki, gənclər sosial şəbəkədə gündəmə gəlmək üçün yay aylarında əsasən dəniz kənarına üz tuturlar. İnsanların istirahət etdiyi yerdə maşın sürüb şou göstərən zaman isə, həm onların həyatını təhlükə altında qoyurlar, həm də özləri çətin duruma düşürlər.

Bildirmək istəyirik ki, çimərlik ərazisinə avtomobillə daxil olmaq və orada hərəkət etmək qadağandır.

Könül