Diqqətdən kənarda qalan küçədə sürücülər özbaşınalıq edirlər - ŞİKAYƏT - FOTO

Paytaxtın Nərimanov rayonu Əbdüləzəl Dəmirçizadə və Təbriz küçələrinin kəsişməsində dayanma-durma qaydalarını kütləvi şəkildə pozan sürücülər görüntülənib.

Bununla bağlı izləyicilərdən biri Avtosfer.az-ın rəsmi “İnstagram” səhifəsinə fotoşəkillər göndərib. Belə ki, 77-BN-478 dövlət nömrə nişanlı “Chevrolet Cruze” və “Toyota Prius” markalı avtomobillər dayanma və durmanı qadağan edən nişanının olduğu yerdə park edilib. Hətta “Chevrolet”in sürücüsü maşını bucaq altında saxlayaraq yolun hərəkət hissəsini məhdudlaşdırıb. Nəticədə ərazidən keçən sürücülər çətinlik çəkiblər. 

Şikayətçinin sözlərinə görə, sözügedən ərazi sürücülərin parkinq zonasına çevrilib: “Xüsusilə günün pik saatlarında küçə boyu hərəkət etmək mümkünsüz hala gəlir. Nəticədə dəqiqələrlə tıxacda gözləməli oluruq. Qayda pozan sürücülərin cərimələnməməsi isə xoşagəlməz mənzərənin hər gün təkrarlanmasına səbəb olur”. 

Nərmin