Döngədə dayanan sürücü videoya çəkildiyini görüb baxın necə reaksiya verdi - VİDEO

Paytaxtın Nərimanov rayonu, Həsən Əliyev 438 ünvanında qayda pozan sürücü kameraya düşüb. Hadisə oktyabrın 22-də səhər saatlarında baş verib.

Videodan görünür ki, 10-SZ-707 dövlət nömrə nişanlı “Nissan” markalı avtomobilin sürücüsü döngədə maşını saxlayaraq digər avtomobillərin hərəkətinə mane olub. Hadisə şahidi sürücünü lentə alaraq ona iradını bildirib. Bu zaman sürücü “Niyə çəkirsən?” deyərək ona aqressiv reaksiya verib. Şikayətçi isə sürücüyə qayda pozduğunu və avtomobilin cərimələnməsi üçün videonu çəkdiyini bildirib.

Yol hərəkəti qaydalarına görə, döngələrdə avtomobil saxlamaq qadağandır. Bu, həm digər sürücülər üçün gözlənilməz maneə yaradır, həm də qəza riskini artırır. Avtomobil yalnız ciddi texniki problem və ya fövqəladə hallar zamanı müvəqqəti dayandırıla bilər.

Nərmin