Dönmə işığını yandırıb dairəyə necə gəldi daxil olan sürücü - 90-PT-564 - VİDEO

Paytaxtın Həsən Əliyev və Aşıq Molla Cümə küçələrinin kəsişməsində qayda pozan sürücü görüntülənib.

Avtosfer.az-ın məlumatına görə, avqustun 19-da saat 18:35 radələrində qeydə alınıb. Kadrdan da göründüyü kimi, 90-PT-564 dövlət nömrə nişanlı “Hyundai” markalı avtomobilin sürücüsü yolayrıcının keçilməsi qaydasını pozub. Belə ki, o, görüntünü qeydə alan sürücünün önünü kəsərək qəza şəraiti yaradıb. Qayda pozan sürücü siqnal səsindən sonra lüzumsuz şəkildə dönmə işığını yandırıb.

Xatırladaq ki, Yol Hərəkəti Haqqında Qanunun 42-ci madəsində qeyd olunub ki, dairəvi hərəkət təşkil olunmuş yolayrıcının qarşısında qoyulmuş 4.3 nişanı olduqda, sürücülər dairə boyunca hərəkət edən nəqliyyat vasitələrinə yol verməlidir.

Nərmin