Dönmə işığını yandırıb güzgüyə baxmayan sürücü qəza şəraiti yaratdı - VİDEO

Bakə-Qazax yolundaa manevr qaydasını pozan sürücü təhlükə yaradıb. Avtosfer.az xəbər verir ki, hadisə sentyabrın 3-də, sözügedən yolun  Kürdəmir rayon ərazisindən keçən hissəsində baş verib. Belə ki, 90-KV-536 qeydiyyat nişanlı “Ford” markalı avtomobilin sürücüsü dönmə işığını yandıraraq manevr etməyə çalışıb. Görüntünü qeydə alan avtomobil yaxınlaşan zaman, həmin sürücü manevrə  başlayaraq qəza şəraiti yaradıb.

Əksər sürücülər elə düşünür ki, dönmə işığı yandırmaq üstünlük verir. Lakin qanunvericilikdə qeyd olunub ki, sürücü manevrə başlamazdan əvvəl dönmə işığını yandırmalıdır, daha sonra manevri təhlükəsiz şəkildə həyata keçirməlidir.

Könül