Dönmə işığını yandırıb kefi istəyəndə zolaq dəyişən sürücü - 77-SG-742 - VİDEO

Sumqayıt şəhəri, Koroğlu prospektində qayda pozan sürücü avtomobilin videoregostratoruna düşüb.

Avtosfer.az-ın məlumatına görə, hadisə dekabrın 13-də saat 09:28 radələrində qeydə alınıb. Videodan göründüyü kimi, 77-SG-742 dövlət nömrə nişanlı “Ford Fusion” markalı avtomobilin sürücüsü manevr qaydasını pozub. Belə ki, o, hərəkətdə olan avtomobilə əhəmiyyət vermədən qarşısına keçib və qəza şəraiti yaradıb. Xoşbəxtlikdən sürücü ehtiyatlı davranaraq baş verəcək təhlükənin qarşısını alıb. 

Qeyd edək ki, bəzi sürücülər dönmə siqnalını aktivləşdirməklə digər zolaqlara keçərkən üstünlük qazandıqlarını zənn edirlər. Halbuki, yol hərəkəti qaydalarına əsasən, sürücü manevr etməzdən əvvəl həmin zolağın boş olduğuna əmin olmalı və yalnız bundan sonra hərəkətini davam etdirməlidir. Bu tələblərə əməl edilməməsi isə qəza riskini qaçılmaz edir.

Nərmin