Dönmə işığının üstünlük verdiyini düşünən sürücü təhlükə yaratdı - VİDEO

Bakıda manevr qaydasını pozan sürücü qəza şəraiti yaradıb. Avtosfer.az xəbər verir ki, hadisə sentyabrın 21-də, paytaxtın Hüseyn Cavid prospektində qeydə alınıb. Belə ki, 99-PC-560 qeydiyyat nişanlı "BYD" markalı avtomobilin sürücüsü sağ zolaqla hərəkət etdiyi zaman dönmə işığını yandıraraq qəfil ötmə əməliyyatı həyata keçirib. Bu zaman görüntünü qeydə alan avtomobilin qarşısına çıxaraq ona təhlükə yaradıb. Sürücü qəzanın baş verəcəyini görən anda tormoz verərək hadisədən yayınıb.

Bəzən sürücülər dönmə işığının onlara üstünlük verdiyini düşünürlər. Halbuki, bu yanlış yanaşmadır. Dönmə işıqları sadəcə manevrlə bağlı digər hərəkət iştirakçılarına xəbərdarlıq xarakteri daşıyır və üstünlük hüququ qazandırmır.

Fərid