Duman işıqlarından sui-istifadə edən avtobus sürücüləri təhlükə yaratdı - VİDEO

Bakının müxtəlif ərazilərində qayda pozan avtobus sürücüləri görüntülənib.

Bu barədə izləyicilərdən biri Avtosfer.az-ın “Whatsapp” adresinə videolar göndərib. Hadisə dekabrın 30-da axşam saatlarında qeydə alınıb. Heydər Əliyev prospektində lentə alınmış kadrlarda “BakuBus” MMC-yə məxsus, 38 nömrəli marşrut xətti üzrə hərəkət edən, 05403 eyniləşdirmə kodlu “BMC” markalı avtobusun sürücüsünün ehtiyac olmadığı halda duman işıqları ilə yol boyu hərəkət etdiyi görünür. Şikayətçinin iddiasına görə, həmin sürücü bu qayda pozuntusunu mütəmadi olaraq təkrarlayır.

Bir qədər sonra izləyici başqa ünvanda eyni vəziyyətlə üzləşib. Fətəli xan Xoyski küçəsində qeydə alınmış digər videoda “BakuBus” MMC-yə məxsus 38 nömrəli marşrut xətti üzrə hərəkət edən, 77-JT-801 dövlət nömrə nişanlı “BMC” markalı avtobusun da duman işıqları yandırılmış vəziyyətdə hərəkət etdiyi əks olunub. Bu səbəbdən ərazidən keçən digər sürücülərin hərəkəti çətinləşib.

Nərmin