Əks istiqamətə çıxıb yolu kəsən sürücü 150 manatlıq qayda pozdu - 10-OJ-999 - VİDEO

Bakıda yol hərəkəti qaydasını kobud şəkildə pozan sürücü hərəkətə mane olub. Avtosfer.az xəbər verir ki, hadisə fevralın 27-də, paytaxtın Təbriz küçəsində qeydə alınıb. Belə ki, 10-OJ-999 qeydiyyat nişanlı "Suzuki" markalı avtomobilin sürücüsü sıxlıq zamanı səbirsizlik edərək qaydaları pozub. O, qoşa xəttin tələbini pozaraq əks istiqamətə çıxıb və qarşısından gələn avtomobillərin yolunu kəsərək hərəkətə mane olub.

Qeyd edək ki, bu qayda pozuntusuna görə, İnzibati Xətalar Məcəlləsinin 327.4-cü maddəsilə 4 bal 150 manat məbləğində cərimə nəzərdə tutulub.

Fərid