Əks yola çıxan moped sürücüsü təkər qaldırıb “şou” da göstərdi - VİDEO

Son vaxtlar motosiklet, moped və skuterlərin iştirakıyla baş vermiş yol-nəqliyyat hadisələrinin sayı artıb. Xüsusilə gənc nəslin nümayəndələri qeyd etdiyimiz nəqliyyat vasitələriylə kobud qayda pozuntuları törədirlər. Belə ki, onlar əks istiqamətli yola, səkiyə çıxaraq, maşınların arasında keçərək, bir qismi isə işıqforun qırmızı işığına məhəl qoymadan hərəkət edirlər. Yollarda təhlükəli manevrlər edərək “şou” göstərənlər də kifayət qədərdir. Bu halda xəsarətlə, hətta ölümlə nəticələnən yol qəzaları qaçılmaz olur.

Vurğuladığımız məsələylə bağlı Abşeron rayonu, Masazır qəsəbəsi, Əliağa Vahid küçəsində vurğuladığımız məsələylə bağlı xoşagəlməz görüntü qeydə alınıb.

Avtosfer.az-ın məlumatına görə, hadisə iyulun 21-də saat 21:30 radələrində qeydə alınıb. Kadrdan da göründüyü kimi, moped sürücüsü düz xəttin tələbini pozaraq əks istiqamətli yola çıxıb. Daha sonra o, öz zolağına qayıdaraq maşınların arasından keçib və dəfələrlə təkər qaldırıb. Bununla kifayətlənməyən sürücü nəqliyyat vasitəsini piyadalar üçün nəzərdə tutulmuş səkiyə çıxararaq hərəkətinə davam edib. 

Nərmin