Əks yola çıxan sürücü qaydaları belə pozdu - 77-LF-708 - VİDEO

Paytaxtın Xətai rayonu, Ukrayna dairəsində qaydaları kobud şəkildə pozan sürücü görüntülənib.

Bu barədə Avtosfer.az-a izləyicilərdən biri məlumat verib və videogörüntünü redaksiyamıza göndərib. Kadrlarda 77-LF-708 dövlət nömrə nişanlı “Hyundai” markalı avtomobilin sürücüsünün əks istiqamətli yola çıxaraq hərəkət etdiyi aydın görünür.

İzləyicinin məlumatına görə, hadisə pik saatlarda – nəqliyyatın sıx olduğu vaxtda baş verib. Belə ki, sürücü tıxacdan yayınmaq məqsədilə, qarşı istiqamətə daxil olub və bu zaman həm özünün, həm də digər hərəkət iştirakçılarının həyatını təhlükəyə atıb. Eyni zamanda o, yolu keçən piyadalara əhəmiyyət vermədən keçidin üzəriylə sürüb.

Videoda görünür ki, o, axına qarşı hərəkət etdiyi üçün digər avtomobillər dayanmağa məcbur olub, nəticədə dairə ətrafında sıxlıq yaranıb. Daha sonra sürücü sola manevr edərək hərəkətini davam etdirib.

Nərmin