Tez-tez dəhşətli qəzaların baş verdiyi yolda ölümə gedən sürücü - 50 DZ 869 - VİDEO

Binəqədi rayonunda əks yola çıxan sürücü kameraya düşüb. Avtosfer.az bildirir ki, 50-DZ-869 nömrə nişanlı “Renault” markalı avtomobilin sürücüsü qoşa xəttin tələbini pozaraq əks istiqamətə çıxıb. O, yoluna çıxdığı avtomobillə toqquşmadan son anda yayına bilib. “Renault” markalı avtomobil sürücüsünün etdiyi təhlükəli manevr ağır nəticələnməyib, amma bu dəfəlik. Bir dəfə qayda pozan yenə pozacaq. Elə kamerasına düşən qayda pozuntusunun videosunu redaksiyamıza göndərən oxucu da belələrinin ictimailəşməsini və cəzalandırılmasını istəyib. 
Qanunvericiliyin tələbləri görünür bu cür sürücülərin öz zolağında avtomobil idarə etməsi üçün kifayət deyil. Bəs nə tədbir görülməlidir? Problem sürücülük məktəblərində doğru-düzgün dərs keçilməməsindədirmi, yoxsa ümumiyyətlə dərs keçmədən sürücülük vəsiqəsi alanlardamı?  Bəlkə qanunlar bir az daha sərtləşməlidir ki, belələri qaydaların nələrə qadir olduğunu görə bilsin?!

Qeyd edək ki, Binəqədi yolunun həmin hissəsində tez-tez ağır qəzalar baş verir və əksəriyyəti də məhz bu cür qarşı yola çıxanların qayda pozuntusunun nəticəsidir.

Aysel