Əks yola çıxan sürücü videosunu çəkib özünü “TikTok”da ifşa etdi - VİDEO

Balaxanı yolunda kobud qayda pozan sürücü özünü videoya çəkərək ifşa edib.

Avtosfer.az-ın məlumatına görə, hadisə bir neçə gün əvvəl səhər saatlarında qeydə alınıb.

Belə ki, 99-VL-587 dövlət nömrə nişanlı “Toyota” markalı avtomobilin sürücüsü tıxacda gözləmək istəmədiyi üçün əks istiqamətli yola çıxıb. Nəticədə o, qarşı tərəfdən gələn nəqliyyat vasitələrinə qəza şəraiti yaradıb. Daha sonra qaysa pozan şəxs yenidən öz hərəkət zolağına qayıdıb və bu zaman digər sürücülərin hərəkətini məhdudlaşdırıb.

Törətdiyi qayda pozuntusunu “fərasət” kimi qiymətləndirən sürücü sükan arxasında özünü videoya çəkərək görüntüləri “TikTok” sosial şəbəkə hesabında paylaşıb.

Qeyd edək ki, sözügedən video sosial şəbəkə istifadəçiləri tərəfindən birmənalı qarşılanmayıb və sürücünün davranışı ciddi tənqid olunub.

Nərmin